Wedding banquet

擺一次酒真係好side心力,為左令自己開心d一早已經為仔囡做返套裙褂,等佢地可以陪住我。
可惜原來擺酒當真係好忙,完全冇時間會見到對公仔,個腦一片空白,總之有人叫你做咩就去做囉。 好後悔冇揾多個朋友專門同我影snap影公仔。 T_T 而家唯希望攝影師記得幫我影佢地啦!

話說呢2套男女褂都用左好多心機做,我覺得好過上次做比mmk果套。男褂第一次做,用繩打結扮中式扣,做頂好滿意既帽,仲有搞左成個月先做到既花球。 非常滿意XD
唔好意思,我要發勞騷......寫下少少擺酒野,我實在太嬲啦。
北角海逸酒店, 大家要小心, 有個Z.Tang小姐勁不負責任, 簽約果時又話擺酒當日係聯絡佢,點知前一日已經打唔到比佢(係成個部門都冇人),  正日更加冇左影。我明白果日係星期日可能係假期,但係星期五同佢電話聯絡點解唔話比我知又唔交待到時可以揾咩人幫手。 print果份人名坐位表又係錯既,話明要分餸就淨係分比主家席,講左下午都要敬茶又唔通知下面職員預備定...... 好在酒樓入面既職員都好專業,唔係就死啦。 如果大家咁啱又遇到呢個鄧小姐真係要特別留心>_<"。

0 comments::

發佈留言