TVB 激優一族 29.12.2012

又一次難得既機會~ 訪問,
而且有別於之前報章雜誌上的記錄, 第一次出現公仔箱。
老公都覺得好奇怪我會接受今次訪問,我其實好怕講話既人,大概認識我既人都會知道,要我係咁多人面前講話,實在很難受。
但係我相信都好難再有咁既訪問機會,所以我硬住頭皮都要試下。
 拍果時都唔太驚, 最怕係播出街,
總之見到自己同听到自己把聲都係感覺奇怪。

嗯~tvb.com 激優一族已經可以睇返, 有興趣可以睇。@_@”
唔知tvb幾時肯比返條片我留底。>_<

以下是文字記錄。

主持:Hello!阿Yan,檯面上公仔著既靚衫全部都係你整架?
我:係呀! 由細到大都中意玩公仔, 小學時期已經要求媽媽教做衫比公仔著, 不過都係娃娃裝。  直到幾年前上網無意中見到有個日本人做時裝比公仔,而且好細緻,我就決定學下做, 而且d時裝潮流自己又未必跟得上 , 做比公仔著當滿足左自已la。 有時想做d衫, 唔識做都要周圍揾資料問下人,慢慢試,由唔知點做直至完成 會覺得好滿足。
主持:唔同既季節、節日仲有唔同既衣著!
我:都會ka。
(1){pukipuki} 呢件係為左halloween做既,  因為佢好細隻, 唔可以做太多變化, 所似只係以黑白做主色, 再加對角比佢。
(2){pukifee 草帽 牛背心 花裙) 呢套係今年夏天既設計,記得上季牛仔背心都大熱,加上夏季必備既花裙,我仲特登去揾d冷線織頂草帽比佢。
(3){chloe } 呢套上個冬天設計。 想做比較多層次既效果 ,裇衫 冷外套, 加件毛毛背心令佢睇黎更有冬天感覺, 短褲 +legging.  特別選擇雪花圖案做legging。 再織頂雪花紋的冷帽襯返下身。
主持:整呢啲公仔衫洗唔洗好似真人咁度身?邊件最難整?
我:因為有5同sizes既公仔,所以係要度身做ka, 呢件裙褂就最深印象la。 由一開始做資料搜尋去了解裙褂,再周圍去 揾啱用既布料,  跟住就係度身畫紙樣裁布,因為中國既織錦好易散口同勾線, 所以我都試左4~5次先做到了件,之後再用手繡上金線,珠仔。 除左裙褂, 我仲做左對繡花鞋比佢,因為太細對, 所以真係製作既過程好困難。 另外就特登去深水涉揾左d配件, 做佢既頸錬手厄呢d首飾,仲有頭飾。 所似呢件都算係比較滿意既一件作品。
勇:幫佢地設計既衫會唔會跟返最新既Fashion潮流?2013年會設計咩新衫?
我:其實都會既, 好多時見到今季興既都會做比佢地著再先。 因為我中意試d未做既野,黎緊我見到13年春夏都會有拼布原素, 我打算試下設計呢類既衫比佢地。

0 comments::

發佈留言