Guam Wedding~ part 4

今日駕車去遠少少,去南部。
第一站,太平洋戰爭國家歷史公園,
一到步,好靚喎! 不過其實冇野睇, 得支炮!再行入d近海邊,椰林樹影好似好靚,但係入到去又開始又有黑雲。v_v

 第二站, 魚眼海洋公園,
係門口影左2張相, 忽然落大雨, 即刻走入附近涼亭避下雨先。 仲有人係度講解緊潛水。 我地都冇諗住要潛水,襯雨冇咁大就衝返上車。

其實我地行程都跟旅遊指南, 
第三站係亞森灣瞭望台,
唉~行一段樓梯上去只得一個荒廢左既地方, 仲要勁多蚊,難為我地揾佢咁耐。 行返落山攞車果時, 因為樓梯太多亂草爛葉又落完雨差錯腳,差d碌落去, 好彩老公扶實我,都係擦損少啫。@_@
點解關島政府咁唔注重旅遊點,又介紹人去呢?
 
下一站 ~加恩岬
見到間老麥,我覺得好得意 ,點知一落車就好大雨,入去麥記避雨先。真係去到邊都要落雨既....
終於停雨一地濕哂, 仲著住拖鞋, 好核突....
但難得旅行 都唔理得咁多啦,  行過去加恩岬睇大炮
跟住 旅遊指南想揾西班方古橋, 不過行來行去都揾唔到。放棄!

第五站~猶瑪特古橋
 部車停泊係海邊, 行過去橋邊影相。 旅遊小冊子話因為失修, 本來可以行上橋上面,而家已經唔可以,又係失修,遊客來關島係咪淨係可以shopping?

 影二張相又上返車,
 
再一段路~BELL TOWER
好有歷史, 听聞係地標, 其實隔壁間教堂都好靚,經過既牧師感覺仲好友善。
 

鴨仔團又出發,尋找熊啤啤。
跟住車上的GPS,很難找到想到的地方, 到達指示地點還未發現bear bear踪影。失望!


車又開了一段路, 望出車窗我終於看到~ BEAR ROCK.
立即停車影相,又真係幾似熊仔喎。
再繼續旅途, 原來仲有一個停車處可以清楚見到熊岩,落車影多次~

 
又去另一景點~ inarajan natural pool伊納拉漢天然池
呢個簡直係今日旅程的重點, 靚到呢~~
見到有熱狗車即刻食返件先,2點幾都未食午餐,真係好肚餓,咩都好食啦!

 坐係涼亭食,好似好靚好享受? 其實呢度好多烏蠅,要快d食。
食完出去湖邊影相,一班日本人跳落水游。湖水好清,好靚, 我都想落去玩, 但係我怕游完冇得沖身要即刻返酒店, 所以放棄左, 就坐係水邊玩下水,企落水入面好涼, 都有好多魚呀~~
玩完水, 繼續去附近的聖約瑟教堂,影2張又落雨T_T...

開車再去hamamoto tropical fruit world, 想去食生果,但係果園3點就關門。我們太晚了。
果園老闆是日本人, 一個日本女仕友善的叫我們明天早一點來。
那我們回酒店了。
我記掛著不能在天然池內暢泳, 決定再去海灘游水作補償,駕車到早前入住的fiesta, 這裡很方便,有泊車位,有沙灘椅,沖身地方, 及洗手間。 走進別人的酒店使用它的設備來好像不太合適,但是遊客嘛,原諒我^U^
游到日落才離開。先回酒店沖涼。
再外出吃晚飯, 今次酒店車位爆滿,我們擔心再駕車外出,回來没位置泊車,決定用腳走。

今次想吃subway,前幾天都是吃快餐,日日炸薯條好熱氣,關島supermaket都唔見有生果賣 或是很貴, subway麵包有大量蔬菜選擇, 還可以萍果跟餐,也是大大杯汽水任飲。
食飽仲可以行一段路返去。
經過JP store, 開到23:00,   可以慢慢行下行。