Guam Wedding~ part 2

 終於都到在結婚當日,
我地book在早上9點行禮, 6點就要係酒店大堂等待司機接載到wataba公司化妝set頭換衫。
不用擔心日本化妝師很難溝通,除了她一口流利英語,還有一些的妝容及髮型圖片給客人選擇,或者自己給她圖片參考也可以的。
這個日本化妝師手勢很不錯,也很細心。讚!
扮完靚,攝影師在watabe公司內拍幾張相,就出發blue aster, 坐上長車去教堂,部車真係好長,入面有香檳杯等,但都係道具。車程好短,轉兩個街口就到教堂,都未落車就已經見到有職員同攝影師迎接,落車前影幾張相,今日天氣好好啊,大陽晒到我眼都開唔到, 點影相v_v”
我真係要再讚下呢間婚禮公司, 全都是日本職員很有禮貌,除了攝影師拍的那輯相, 她還問我們拿了相機,給我們拍一下花絮。大感謝!
行禮前再講清楚流程,教我們行禮步法, 一步左一步右,記性唔好行極都錯....點解唔可以行快d啫。
我又要再強調, 我真好冇記性, 啱啱教完我行入去見到神父要點企 又唔記得哂,好彩在場得我倆二人,職員在旁提點都無咁肉酸^u^
我外語很差, 還在擔心太多英文唔識讀,原來好簡單,而且係幾個字幾個字咁跟住神父讀,冇記性都一定記得到! 
” i give you  this ring  as a symbol  of my promise  to you"
讀呢句野,要將介指套入一半讀完先可以整隻戴入手, 唔知點解好順手, 一戴就入左2/3有多,想拉出來又好實 拉唔出,唯有扮唔知照唸。 哈!未唸完我又忍唔到笑。忍笑真係對我好困難呀!
點埋蠟燭,簽完紙,行返出教堂, 就完成婚禮。
步出教堂要之後公司會請我們再進教堂影相,咁靚既教堂真係唔好浪費,攝影師同我地影返d招牌動作, 再問我地想點影,幫我地影返幾張自己pose,影完教堂就行出海灘再影過,又係晒到暈,完全見唔到眼喎。辛苦哂我老公, 攝影師迫佢抱起我影。又影返幾張老土相,一生人一次老土下都要啦!最後會影幾張自己想要既pose, 就完成整個過程。  天氣好熱, 見這個日本攝影師一身相機,大包小包,一頭大汗仲要跑真係辛苦哂啦!
前一日婚禮公司已經問過我地會唔會有自己既佈置,所我有帶埋luna&benny一齊結婚ka, 佢地就放左係簽名枱上做裝飾,本來都擔心其他人會唔小心 諗住自己放好佢地, 但係職員一早已經幫我set好位, 仲放得好安全, 好多謝佢地呀!
自己影完就可以拎佢地出來影返張相留念,個日本職員讚佢地好可愛啊!仲好小心咁幫我保管佢地添。
另外,要一提想到關島結婚的朋友,外國結婚是要給服務員小費,
出發前找到一些小費資料,給你們參考一下。
婚禮秘書 US$30~UP 
化妝師US$20~UP 
牧師/攝影師 US$10~UP 
其他約US$5
當然,實際上發多少是没有定的,我們認為那個較辛苦用心的也會多給一點....
事實上要發紅包的職員没有想像中多,就是司機/翻譯員/2個服務員/1個秘書/化妝師/牧師/攝影師。
這裡的人很好, 有服務員經過,我們給她紅包也堅持不接的。
結婚過程順利完成~真正旅程正式開始啦!

司機車我地返酒店, 換衫休息一下, 駕車出去食老麥,去到任何地方老公都要試下人地d薯條好唔好食喎。我覺得差唔多,不過最開心就係茄汁任取,飲品自助。 我點左個磨菇包, 都唔錯丫。
食完午餐,又出發影相, 又係教堂~San Vitores Bayside Chapel
呢間都係watabe公司管理,終於都有間教堂係未有人進行婚禮啦!雖然入唔到去, 但係都可以係出面大玩特玩冇人理,正!
再行去附近的日航酒店,隔壁有間Crystal Chapel,  呢間都好靚, 可惜又係有人婚禮中,我認得係同機來的香港人,一家大小,咁多親戚朋友好熱鬧喎!
 
影唔到教堂相,就係周圍影下啦!已經好累,想休息下先。
 返去酒店坐一坐又再出去夜市, 好彩老公租車揸,辛苦哂。
呢個夜市位於Chamorro village, 逢星期三晚5:30~9:30
呢度除左乾貨,都幾多野食檔,買既當然係當地食品,老公至愛!
呢個食品我最想推介~椰子Sashimi
老公一見到椰青,眼就發亮,立即買了一個很快飲掉椰水,交回給檔口小姐。  一刀砍開椰青,用木匙乱出椰肉 +豉汁 還要加wasabi。我跟身後的日本男仕一同驚叫一聲”wasabi!!!”
本來覺得好怪,試食竟然好好食, 質感真係好似魚生, 估唔到係好好食。不過一個椰青咁細就唔太夠食啦。
身後的日本人問我地好唔好食之後都買左黎試。
乾貨方面我不算大興趣, 買了個小印章 2支椰油,
夜市內有個似是小社區的地方, 當地人彈奏,有人跳舞,旁邊有些位置給人一邊看一邊品嚐剛剛買到的食品晚餐,但已坐無虚席了。
再過幾個檔口位,看見一個伯伯在買椰子糖水, 老公又買來食,但我不太喜歡吃椰子的,我認為不好吃! 在他吃的時候我替他拍些照。忽然有個當地男人把魚杆放在他身旁叫我拍攝,真係有d驚,我當然停手唔影啦,我扮唔知佢講咩, 老公話唔影啦, 佢就叫我地比錢佢。
唔知咩人喎,唔比錢會唔會打我呀!不過我地最後冇理佢就走左去la。
大家真係要小心, 去到呢d地區唔好亂咁影,小心比人屈錢呀!
開始肚餓啦,因為在場位置都被坐滿, 唯有買一些當地食品回酒店當晚餐, 都好有風味,幾好食丫!
 
食完晚餐,再落酒店樓下食雪榚慶祝下,明天是老公生日, 生日快樂!
 今日都要早休息,一來太早起又忙在一朝已經好眼瞓, 二來明天又要轉酒店。^^ 待續~

0 comments::

發佈留言