2011 Paris trip ~ Day5

昨晚没有開鬧鐘,遲左起身
見今日天色好,決定改變行程先到看鐡塔。出左閘先發現原來出錯車站,就將錯就錯先遊覽自由神像,去法國看自由神像!?原來美國的自由神像都是法國送,讓我們先看原作罷。
沿著鐡塔返方向行,終於見到自由神像,但是個背面。要看神像正面的,還要走一大段路到前面的大橋,當走到橋上,神像只有幾厘米的大少。我拍了給大家看,公仔後鐡塔前一堆草這裡就是了。hahaa....清楚吧!
看過法國的自己神像,我們又坐metro,回去鐡塔。
終於到了Tour Eiffel 艾菲爾鐡塔。好開心呀!個天好藍。係出面影左好多相,不過就冇上去啦。
 
再行過隔離既Musee de l'Armee軍事博物館。其實都係為左張museum pass,今日last day,唔好蝕要入多幾個museum^^  。入去睇拿破倫既陵墓,就係間教堂地庫正中位,有12個雕塑圍著代表勝利, 中間係個好大既石棺,唔知點解地庫好似開左冷氣咁凍。
又到下一站,Musee National Eugene Delacroix,都話係唔好蝕去多幾個展覽丫嘛。 呢個展館就係畫Liberty Leading the People 自由領導人民 果個畫家既展覽館 同工作室啦。地方唔算大,似係佢既故居改建,穿過後園,就係佢既工作室 同樣展出畫作。

這裡仲有展出佢朋友既作品,其中一張係 Leon Riesener既畫作,只係一個女人肖像,但係真係好靚,我買左張postcard留念。
中午,到了Rue de Rennes 雷恩大街。已經很餓,到每個國家都要試既m記食晏,我覺得幾好,可以唔要薯條改沙律。 
食餓再行過, 呢條雷恩大街,我覺得會好行過香榭麗舍,人又少d,仲有法國行名店比較舒服,因為没有服務員小姐mark到實, 名牌衫任你摸。
街尾仲有好幾間朱古力店, 比我見到真正既朱古力蛋,好得意,令人想起小時候吃過的七彩啫喱蛋。
之後又搭車去另一個畫家既museum, Musee Gustave-Moreau. 其實我真係冇留意過有呢個畫家ka。不過入到去睇,嘩~真係好勁, 感覺dark side,主要都是神話的主題, 還有大量的手槁讓你慢慢看,看見畫家細心的資料搜查,畫動物前就連骨架都要畫一次,還有不同既動態。實在太厲害.  參觀過這裡, 我也有點迷上他.
行完展覽今日既行程就完哂啦. 但時間尚早,決定返香榭麗舍行下,行埋上次未行既對面馬路, 見到有個好多人排隊既Macaron店,見到都好想食,後來先知就係好出名既Laduree.  又遇到果d叫人幫佢買LV既女人,我當然就係唔會理佢啦. 之後見到間靚靚茶葉店, 入去試飲完覺得好味, 買左少少做手信。
返酒店啦!今日酒店出面又來左班新住客,好嘈呀!係個走廊度玩,差d以為佢地想爆門入我地間房呀!嚇死我,好彩明天就轉酒店咋 。