2011 Paris trip ~ Day4

今日日照時間快左一個鐘,瞓少左個鐘好眼瞓呀!
一早就出發Marche Aux Puces de Stouen, 呢度听聞係歐洲最大既跳蚤市場,有2500個攤位。 但係唔知係咪我地太早到,佢地剛剛先開舖。賣野既感覺又係似女人街,感覺失望,唔啱行,見到有crepe, 就買個試下, 今次係芝士hums crepe。
呢個叔叔好得意,見我拎住個iphone仲擺post比我影佢。而且佢做餅手勢熟練好多,仲有滿滿既芝士,個皮又夠軟超好味。 大家記得唔好係遊客區買小食,又貴又唔好食。今次係d平民區食真係正好多。。。。講起都想食!
早上著少左外套出街,有少少涼,決定先返酒店拎返件衫再出去。
第二站都係market~Marche Bastille,呢個market就係街市。賣既全部都係食得既野,有生果蔬果海鮮,仲有我至中意既麵包同芝士。
見到芝士。但係唔識買,又唔知點同佢講試食。最後都買左2個羊芝士,見佢細細個2歐粒。試食先>_<好騷呀!再去買個法包夾少少食,感覺好少少, 但係bf都係話臭到想嘔。又蝕左4歐lu。
見到market咁多好野食,決定買定今晚晚餐。就買左個頭咁大既扁圓型麵包,仲買左少少夾包既餡料,買完野就拎返酒店放低再出街。

下午既行程係shopping,離開車站先是一街貴價名店,不過因為星期日,全部都冇開門,大大個陳設精美既廚窗,比你任睇任影。 途經Palais de L'Elysee艾麗榭宮,是總統宮邸,其實le度成條街都係大使館,比起出面既街道果然係乾淨清潔好多,絕對唔會有"押"臭味。
再行過幾條街就係Avenue des Champs-Elysees香榭麗舍大道啦。兩旁都係名店,遊客區人流不少,賣時裝的店也不少,但香港有的店我没興趣行,只係行左2間正在減價的法國平價品牌。冇乜收穫。再到sophora逛,個人認為同香港價錢相差不遠,或會更貴,只買了幾件sophora自家出品的小物就離開。要購物還是香港好。肚餓了,入左當地快餐店Quick買左個Les doubles mix beef,填飽個肚。就去下一個景點~

Are de Triomphe凱旋門。 我係紮住部相機係人地條燈柱度,自拍丫嘛。路過既人好心話幫我地影,多謝啦~我地中意自己影。仲影到企左出馬路,好似有少少危險喎~

museum pass包上凱旋門 當然唔好蝕,係附近繞左個大圈終於都揾到個入口,要通個地底上去ka。
出到地面唔好理咁多見有入口就即刻衝入,依~又係樓梯....係一條旋轉樓梯,都幾窄ka,一個人多既身位,又怕行得慢左住人, 唔停咁行,都唔知轉左幾多個圈有d頭暈(後來上網睇返資料先知行左273級樓梯)。 終於到啦,見有位即刻坐下先,抖順條氣再參觀,呢層係展覽廳同gift shop,展示有關凱旋門既資料歷史,仲有個細既凱旋門模型。
跟住我地又上去上一層,就係觀影台,呢度可以見到圍住凱旋門既12條大路,當然仲會見到鐡塔啦!
又要轉返273級樓梯落去啦。 是日行程完畢,明天見~