2011 Paris trip ~ Day3

今早起身先食昨晚買的辛辣麵。
再出去學法國人歎杯咖啡,地點就係近200年歷史的Les Deux Magots雙叟咖啡館。聞說係早期好多名人文學家.藝術家...聚集的地方。 
我地想要選擇露天的位置,但門口正中的坐位已滿,只好坐在側面的馬路旁,坐這裡會有風險就是白鴿會留下便便。 歐洲人看來没有介意這件事,明明在細小的桌面上有便便的殘留物也亳不介意的坐上去。不要說香港的茶餐廳密度高,這裡再更甚。小小的圓枱,勉強放得下2杯咖啡2份早餐,枱與枱之間不多過10厘米的距離,還要櫈貼櫈的。 
我們叫了2杯咖啡1個牛角包, 已經大約是150元港元。 不過當地人會在這裡坐一整天,價錢應該已經包含了。


坐一陣就離開這個好易中頭獎既地方, 行去隔離街旅遊書介紹既朱古力店。
店主仲請我地食朱古力, 呢個時候今早食既辛辣面發作,竟然唔記得自己食太辣係會肚痛tim。
求其買左d做手信, 就急忙離開。


Metro趕到另一個地方, 係Institut Du Monde Arabe 阿拉伯中心。
途中行錯路, 入左人地間大學, 仲要入埋人地間體育中心蹺左好多個圈,迷路了.....行左好耐終於見到出口啦。
Institut Du Monde Arabe本來都唔打算入去睇, 不過成朝都肚痛唯有去參觀佢地既廁所啦>_<
出返來先再影佢既外觀, 好得意ka牆上的裝置,會好似相機的快門一像,隨著陽光開閉。

再行一大斷路就係Pantheon先賢祠, 在外覺很宏偉,可惜又係維修中無緣參觀,只能在外拍攝。
過少少就係Sorbonne 索邦大學,個肚又唔舒服,我冇留意佢咩樣啦...呢個時候museum pass又發揮佢既好處,因為街尾就係Musee National du Moyen Age中世紀美術館,計劃以外又走入去參觀廁所。哈!要去法國記得要買museum pass 啦。
跟住就第一次坐法國巴士。其實都唔係好知點解要坐巴士ka,坐得一個站,2-3條街就到啦。
一落車就係Conciergerie巴黎古監獄,外面影張相唔入去啦。
過左橋就係Marcha aue Fleurs 西提岸花市,真係好多花,仲有好多園藝既野賣ka。
去到Cathedrale de Notre Dame de Paris巴黎聖巴院,勁多人簡直好似去左旺角咁。仲有好多人餵白鴿,唔怪d雀咁多黃甘甘既便便,食到肚疴...仲有白鴿唔怕人既, 會飛去你手上面食野,不過我地唔敢la。一陣我餵佢食, 佢送返d野比我咁就慘lu。hohoho...
對面馬路有人賣Crepe,旅遊書有話巴黎crepe好食,咁就試下la。叫左個蘋果味,整餅個大叔黑口爛面,睇佢整餅又唔熟手,仲要烤焦在個餅,唔好食既。
再行去巴黎聖巴院後面有個小公園,人流較少, 而且個景仲靚d tim。勁影勁影.....
再過就係Seline塞納河, 仲有人係橋上面賣藝唱歌。
橋的對開就係是聞名雪糕店Berthillon所在地。位於小街內,街內的店都滿有特式。還有間没有開門的芝士店。廚窗望入去好似個芝士海呀!

芝士海的斜對面就係Berthillon店。但係冇開門既!?我想食雪糕喎。無奈要離開....原來真正賣雪糕的Berthillon在前面已經排了人龍,等待時間不算長, 我們點了一杯雪呢嗱+朱古力,一杯無花果+梨子, 不要以為無花果+梨會怪, 非常美味。這間店1954創立,難怪還是大排龍。


食完雪糕終於要搭車。就係要到Centre Georges Pompidou龐比度中心。外型我唔覺吸引, 完全唔夾周圍環境,唔怪得有市中心的煉油廠既稱號。入面展出大量既現代藝術品, 仲有唔少係廿世紀既名作,咩達達,超現實,抽象主義既名作係呢度都有展出, 不過都係我唔熟識既。好彩有大師為我現場解話^^只係行一層已經腳斷。好快咁行埋其他展廳打算離開。
見對面又有supermarket入去買野食, 點知出返來就開始落雨啦。好彩今日行程已經完畢,撐起出門前帶預的傘回酒店^^。






0 comments::

發佈留言