2011 Paris trip ~ Day2

昨晚休息非常足夠。 食個包,就出發我們的博物館之旅。
第一站是Musee d'Orsay 奧塞美術館。 這裡原是火車站改建,原本放在羅浮宮19世紀至20世紀初的作品全都被搬過來,這裡有大量我較為熟悉的印象派作品。正!
來的時候已經排滿人,還好我們買了4days museum pass,慳返唔少時間。

因為今天還有很多行程,參觀了2個鐘多就要離開。
只需花幾分鐘的路程就到Musee de L'orangerie 橘園美術館。最令人注目就係莫內的八幅巨大的睡蓮,放在2個橢圓的房間。  這間橢圓形的房間更是為這八幅巨注而建造的,房的中間有橢圓的長椅讓人可以仔細欣賞。
在睡蓮的下層也放了不少印象派名作,畢加索早期作品也有存放,算是滿足一下因為維修未能到達畢加索美術館的欲望吧!

在橘園美術館彼岸就是Galrie Nationale Du Jeu Depaume 攝影博物館,不過因為museum pass唔包,要另收入場所以決定入去啦。

又開始肚餓啦,行去揾傳說的栗子蛋糕。 途中經過間大書店,成個廚窗都成滿Chanel。不過法文書都唔識睇,所以都係出面睇下就算啦。


終於見到傳聞的Angelina,好多甜品呀,個個樣都好靚好想食,最後都係要左個栗子蛋糕.Macaron.同牛角包。今日冇見到大排長龍,不過外賣平d,所以都係買去對面公園食。
隔條馬路就係公園, 揾左個冇樹頂既位,對住旋轉木馬食甜品,先試聞名的栗子,其實我係唔食栗子蛋糕ka,不過因為d人講到佢咁勁唔食唔得咁,心思思又想試下係咁真係咁勁。嘩~真係好好味,果然冇介紹錯喎!好想食多個。 Macron就冇咩特別,都係得個甜字。牛角包都好味!

好滿足~食完又可以繼續行, 途中經過好多地方,都唔知係咩。不過又係放左d藝術品。

終於都行到去Les Art Decoraties, 呢個有好多唔同既展覽,主要係想睇時裝,仲有jewerly同廣告設計睇。

之後再去羅浮宮。
出面又係勁多人排隊,不過有pass快好多ka,可以慢慢影夠相先入去。
真係好大,今次真係行到腳斷啦。一早已經mark定要睇既名作, 依著地圖既指示,一幅一幅既名作映入眼簾。 當然有大家到羅浮宮的必看~蒙娜麗莎, 早知畫作比A4 sizea只大一點點, 還要隔著厚厚的防彈玻璃,和圍籬以外的3層人牆,看見遊人不理指示用閃光燈不停的跟蒙娜麗莎合照留念,我不明意義何在,没有心情欣賞,遠觀就可以了。還有更多的名作等待著我。
上層會比較休閒, 人流不多,可以坐著邊休息邊欣賞。

臨離開買了二本羅浮宮的書,可以回家再慢慢了解畫中的意思。
由於每晚都食包,終於大師話受不了,今天的晚餐到了小小的唐人街,選了間温州小館,吃了酸辣湯.炒年糕.炒雜菜。很滿足!
在對面的中國式超市終於找到歐洲没有的杯麵,買了4個辛辣麵作明天早餐就離開, 回酒店休息。


0 comments::

發佈留言