2011 London trip ~ Day5

今日行程係參加local tour,應該係我地london最舒服的一天。


參加的是Evan Evans Tours,目的地是Windsor, Stonehenge & Oxford 。

先是要找到旅行社的位置,開頭是找錯地方,原來係對面車站。還好是我們預算多了點時間,不會錯過行程。 齊人了,跟著導遊小姐上了巴士,都坐滿一車。

先派出價錢表,讓我們選擇自費項目。我們最後決定是要full package,即温莎及stonehenge的入場費。

第一站Windsor,這個是趕鴨團,入場要安檢,限定二個鐘要回車,遲到不候。
咁大既城堡,不足2個鐘好難行得哂。唉~只好跑住睇啦!
成個皇宮最鐘意就係入面瑪莎皇后的娃娃屋,sizes有一張雙人床咁大,簡直係一個迷你版的皇宮,極度細緻,不同的房間花園地窖,連去水位,電燈,精細的手繪古典畫都一應區全,我真係好想觸摸一上這個精品。可惜這是隔著厚厚的玻璃。

真係話咁快就2hrs,立即衝返上車。 先食個自設的三文治lunch, 再瞓覺。

起身既時候己經到左stonehenge。
今次就定45mins要回車。 入場行個圈影幾張相,好快就又夠鐘,咁樣遊覽就係好大壓力....偏偏唔join tours又冇車到.
 
再上車瞓多陣, 又到Oxford。 導遊小姐帶著我地介紹一些名勝,餘下的時間是自由活動, oxford這個古城,冇地圖真係唔大敢亂走,怕迷路趕唔切返上車...

行程完結,旅遊巴車我地返去各自想去的車站。

晚上,大師約左老朋友食飯,去左個好多黑人既地區,又聯絡唔到佢朋友,等多好耐,終於入左當地一間醫院借廁所,仲坐低等佢朋友來電, 去旅行到要參觀人地間醫院真係好充實。哈哈!

朋友請我地去左一間當地出名既咖喱店。d野又真係幾好食, 叫得太多食剰野,又食又拎,留返咖喱明晚夾麵包,多謝哂!

今晚出到好夜,要快d返hotel休息la。