2011 London Trip ~ Day4

今日計劃要去既地方比較晏開,食完旅館預設既早餐先出去視察環境。
先經過附近的大酒店,見咁靚影張相先。
再行去隔離既英國圖書館,都係未開門。
返去火車站了解一下Eurostar的check in位置。

時間還是尚早,決定闖去之前未有計劃的St.John Gate, 果區好似死城咁,間間大廈都掛住“TO LET",  離開車站幾條街就到啦, 呢度係一個四百幾年歷史既城門,佔地很少,逛一下就離開了。

今天目的地是market,但本來要到的原來是只開星期二至四, 所以改到賣時裝的market,離開車站不遠看見像是旺角女人街的一排排擋口,感覺是售賣贗品的。在木頭車檔買了一小袋現成的Caramel Peanut, 烤得又焦又黑,難吃!一面失望的準備離開。

步向下一個車站預備離開,竟然遇上真正要到的Old Spitalfields Market。
進入market的第一檔是古董的,售賣以前報館用的舊字印cartph,選了幾個自用,再買了2條價值£1的絲巾,還有二塊美味的曲奇。 很喜歡這個market,可惜時候不早,又要趕路。

沿途會見到個玻璃大蛋30St Mary Axe,像是澳門的那個巨型版。


在車站上上落落終於到達TATE MODEN , 是個展覽現代藝術的美術館。大都是我不太了解極具創意的現代藝術....邊逛邊聽大師為我介紹"痴線"."變態"的厲害藝術家。

行完已經係2點幾,餓到腳軟。出去門口對住泰晤士河坐低食個包,飲啖水,增加小點能量再出動。
先到一旁的Shakespeare's Globe 莎士比亞劇場拍留念。

再沿著千禧橋走過對面岸, 橋上有人賣小型風箏,可惜貴了點,那頗合momoko的sizes。還有賣著即炒的Caramel Peanut,好香,大概會很美味,後悔今早買了的。

到逹對面岸見到St.Paul's Cathedrale, 再右行不遠就係underground,又要快趕到下一站了。

The British Museum大英博物館, 補返之前未有行完的,今次在前一晚已經計劃好要行的路線圖,有效率好多呢!觀賞在不同國家被打劫回來的的珍品,最有印象還是頭一次看見木乃伊。
2個鐘頭多的完成。
->cartph


先到supermarket入貨。再到opera買票,6點未有門口就排哂大隊,等左好耐終於問到門口既職員,原來星期日不設買票 ..... 火了~白行一趟。下次再來買唔到就放棄唔睇啦。

最後的行程,乘車到London Eye。

其實真係攰到就快唔郁得, 仲係咁又上又落樓梯...終於到左凍冰冰既河邊,見到對面岸夜景的國會大樓, 仲有又大又靚既摩天輪,雖然冇打算上去,但係係下面影張相都好滿足,咩都返抵哂!

0 comments::

發佈留言