2011 London trip ~ Day 3




今日個天好藍呀!
第一站係白金漢宮,先經過Guard's Museum-> Queen Victoria Memorial->Buckingham Palace.
藍天襯托的皇宮更漂亮,可惜是無緣看見御林兵。


再到旁邊的St. James's Park....個公園好靚呀!有松鼠仔.天鵝...等既小動物,仲有櫻花盛開.旅遊書介紹係公園影返去白金漢宮仲靚喎。 臨離開前仲比我地遇到騎警。


搭車去米芝蓮餐廳.....唔係去食野只係去影張相啫.^^

又再搭車去Victoria & Albert Museum,  入面好多寶物ka. 不過睇唔哂kala.只係揀在d有興趣既睇, 仲記得有個人咁大既老虎音樂盒......
行到肚餓, 就出外面既花園都坐下草地望住個大水池睇住一班細路仔玩水, 一邊食我地前一晚預備好既三文治... 


不過腳都未有休息夠,又要起行啦!

一離開車就見到大笨鐘, 沿住國會方向行,一邊影相。
本來打算遊覽附近果個大教堂, 點知原來只是早上放開, 求其係門口影張相...就係呢個時候我既G9終於宣告死亡, 可以安心享用NEX5啦...


又繼續虐待對腳, 再行十幾條街去Tate Britain, 呢度係放d比較現代少少既藝術品,仲展覽緊watercolour, 不過要另外收錢冇入到。行到4點半,打算去搭Tate boat經泰晤士河去對面既Tate Modern....點知原來隻船4點半就收工。 
好啦~ 今日早d返旅館,反正已經好攰啦。


今日係星期六,好多underground 線都停,第一次搭巴士依照Tate館職員指示去左附近區揾supermarket,不過都揾唔到,得間M&S......就入去買當日既晚餐la,係呀都係麵包,不過加多左2杯甜品,朱古力moss 同 檸檬moss...朱古力果個勁好食呀!