2011 London trip ~ Day 2

瞓左十幾個鐘先醒,真係精神哂.打點好行裝就落地牢食自助早餐, 都係英式早餐果d野...茄豆,炒蛋,煎蛋,煙肉,腸仔,蕃茄肉,多士&咖啡。食到飽飽,出發!



行程一; Oxfort st, shopping^^ 不過太早到,舖頭都未開門, 行去街尾, 見到有人排隊, 原來係Selfridges百貨公司, 外牆好多華麗既雕刻, 咁啱開門就入去睇下呢墥歷史建築, 法國百貨真係正, 咩名名牌都齊哂...不過我唔係呢個層次。出返去行topshop, 係我最想行既店,不過都係唔捨得買. 最後都係買得幾件小飾物...再行M&S冇野啱. Primark就揾唔到....




今日係落雨天, 拎住把傘行去附近既Berwick street market ,主要賣的食材既market. 反而二旁既店吸引我, 因為係裁縫店同買布既店, 入面既店主全部都超有型有style!(忘了拍照>_<)

再行過好幾條街去photographer's gallery, 點知又係裝修中, 謝絕參觀!
轉過彎遇到另一個歷史古蹟Liberty百貨公司,內進欣賞一下聞名的碎花布,還有內部的古老裝飾,很喜歡這個讓人親近的古建築。

再轉出攝政街,又係名店....肚餓了,還在下雨放棄我們自製的三文治,走進一間華麗的cafe', 點了Cheese cake/ Tiramisu/ Cupertino, 休息及 硏究一下地圖.

下半場是gallery之旅;
white cube, 係我睇唔明的裝置藝術. 大師話white cube都幾出名喎.不過地方唔係大只有地面+地庫一層.  好快又轉去另一個目的地~ICA
落住雨好難揾路, 入完去問商店職員,再問警察都點錯路, 終於到左Institute of Contemporary Arts(ICA), 繼續係我唔明既裝置, 不過都幾得意既...

繼續行去到Her Majesty's Theatre,睇下phantom of the opera既賣票情況....但係未知之後邊日有時間睇,決定星期日再來.

行返去對面條街既National Gallery, 又係勁大,拎張map鎖定館號不能錯過要欣賞的名畫。終於都見到久仰既名畫真蹟, 呢個gallery人流勁多, 仲有人坐係名畫旁臨慕名畫,想要更了解這張名畫及畫家當時的心情。

再到腳跛都仲要繼續去隔離既National Portrait Gallery...
呢個係只放人像畫的Gallery,可惜係...我實在太太太累,行完都唔記得睇過d乜lu...不過就好記得有學生在臨慕,還有人唱歌,配合住一邊睇名畫感覺果然是更震撼。 可能看得太多古典畫, 在NPG的地庫展覽廳另我更深印象, 就係一幅牆咁大既頭像畫,遠睇以為係相,原來係素描,連面上的皺紋同毛孔都畫得清楚,實在太厲害Paul Emsley)。 還有一個用人血做的人頭塑像, 聞說係作者定時抽自己血製作自己的頭像,還要用冰櫃冷凍著, 感覺有點恐怖,但也是很強(Marc Quinn!
->Cartph


今日的行程完成, 繼續是回旅館食包餐.....^^