夢遊DAY8(new zealand South Island)



係Timaru留左一晚.早上出town胡亂逛一下.
Timaru冇咩乜特別野,
所以我地就揾左間cafe'坐低飲杯咖啡.等大師再計劃一下路線.
出車。
去左個海邊,見到有條木橋,好多海鷗..停一停留影.
再去附近一個公園.
不過原來個公園真係乜都冇. 所以就車都有停過.直接出發我要求去既地方啦。
係當地既旅遊指南介紹. 佢本書影到有一大個薰衣草園..我一直都想去睇薰衣草.
中午,到左目的地~ Lake Tekapo,
首先感覺到好大風,好似8號風號咁。
然後,見到一個好綠既湖,好藍既天, 仲有一間好細既石屋教堂。
呢度既環境真係似電影入面d女主角夢想結婚既地方
入左間小教堂,可以比遊人隨意影相
好靚!
行返出教堂外面..影相影相再影相..
唯一既小缺點就係冇旅遊指南入面影既一大片既薰衣草園. 只係得一少束已經黃掉的. 係咪未係開花時侯呢?
不過呢度既環境真係冇令我失望,係我今次行程中最愛風景首位!
 
坐係湖邊既石灘,享受我地既三文治.
太優閒la~


 再留連左一陣.
半個鐘車程,去另一個湖
Lake Pukaki
唔及得上一個湖咁靚.但係都已經係足夠令人著迷.
係冬天既時間, le個湖仲可能見到雪山.到時既風景一定更加壯觀.可惜我冇以緣了。 
開車搵三文魚,唔知係咪有休魚期,
全部去養殖場既路都封哂,今晚冇餸加lu.

兜左幾個圈,去油站入油,見入面個景都好靚喎。
再去咖啡店買杯啡.
時間不早了位置還在Timaru, 要趕係天黑返Christchurch



今日係尾二天的行程,真係唔捨得走~

0 comments::

發佈留言